Verðbætur eru ekki tekjur sagði Pétur Blöndal

Vextir á innláns reikningum hækkuðu vegna þess að verðbólgan hækkaði.  Ávöxtun á óverðtryggðum innlánsreikningum var neikvæð vegna þess að verðbólgan var hærri en vextirnir.  Það er alveg á hreinu og Pétur Blöndal hefur sagt það á Alþingi að verðbætur séu ekki tekjur.  Vextir sem eru lægri en verðbólgan eru heldur ekki tekjur því að í raun er eign fólks að rýrna.  Samt er Tryggingastofnun að rýra kjör fólksins enn frekar með fáránlegum útreikningum.  Þessa glæpastarfsemi hjá TR og hjá Valdstjórninni verður að stöðva. 

Hins vegar voru margir sem áttu fé inni í peningamarkaðssjóðunum og fengu þá peninga greidda út.  Þá komu til greiðslu uppsafnaðir vextir (jafnvel fyrir mörg ár aftur í tímann) og reiknast sem tekur fyrir 2008.  Núna stija þessir peningar á lágum vöxtum og eru að brenna upp á verðbólgu bálinu nema að þeir séu inná verðtryggðum reikningum.

Ég vil nota tækifærið og hvetja alla íslendinga til að kæra álagningu skatta því að álagning fjármagnstekjuskatts þegar höfuðstóll rýrnar brýtur í bága við 72 grein stjórnarskrárinnar um eignarréttinn.  Með álagningu fjármagnstekjuskatts er verið að gera peninga fólks upptæka.  Það er megin inntak skattalaga að fyrst sé aflað tekna og þær síðan skattlagðar.  Höfuðstóll sem rýrnar getur ekki borið skatta. Enn og aftur, verðbætur eru ekki tekjur.  Vextir sem eru lægri en verðbólgan eru heldur ekki tekjur.

Í gamla daga var fjármagnstekjuskattur á vexti en sá skattur var lagður niður vegna þess að verðbólgan var hærri en vextirnir.  Verðbólgan á síðasta ári var rúm 18% en ávöxtun á bankareikningum var ca 15%.  Höfuðstóllinn rýrnaði þar af leiðandi um ca 3%.  Síðan er búið að leggja fjármagnstekjuskatt á rýrnandi höfuðstól.  KÆRA STRAX EN FRESTUR RENNUR ÚT Í LOK ÁGÚST.

Þetta littla blogg er bara smá vísbendingum um hvað er í aðsígi hjá Snjalla Geir.

 Lifið heil. 

Vaxtahækkunin kann að skekkja útreikninga bóta

Athugasemdir

[Margret Olafsd. (IP-tala skráð) 11.8.2009 kl. 10:14]

Eru þá verðbætur á húsnæðislánin ekki skuldir?  Sérfræðingar eru alltaf að segja okkur að verðbætur séu ekkert annað en vextir.  Sem reiknast vaxtavextir og nýjar verðbætur ofan á í hverjum mánuði. 

Auðvitað eru verðbætur ekkert annað en tekjur fyrir fjármagnseigendur. Það er óeðlilegt að fjármagnseigandi sem reykir ekki og drekkur ekki fái það að fullu bætt að áfengi og tóbak hækkar í verði.  Að sama skapi finnst mér sem reyki ekki að ég eigi ekki að borga það margfalt að þessi vara hækki í verði.  Borga það margfalt ofan á húsnæðislánið mitt.