Ég er enn ekki sannfærður um að þeir hafi farið til tunglsins

og myndirnar af sem komu úr nýjustu græunni sem var að hringsóla um tunglið voru ekki sannfærandi.  Skugginn af "tunglarinu" sem varð eftir var í allt aðra átt en allir aðrir skuggar.  Þeir verða að fara að læra að nota PhotoShop blessaðir strákarnir hjá NASA.  Það verður gaman að sjá hvað þeir hjá stjörnufræðivefnum hafa að segja um þetta steingerða tré frá "tunglinu".  Lifið heil.

Tunglgrjótið reyndist vera tré

Athugasemdir

[DoctorE (IP-tala skráð) 29.8.2009 kl. 10:44]

Að meint tunglgrjót reynist vera tré táknar ekki neitt.. nema það að þeir sem keyptu meint grjót létu plata sig.
Þú veist að það eru spor á tunglinu.. sem og tól/tæki

[Guðmundur (IP-tala skráð) 29.8.2009 kl. 11:08]

Kannski var einverntíman skógur á tunglinu..........eða ekki.

[Helgi Hrafn Gunnarsson (IP-tala skráð) 29.8.2009 kl. 15:56]

Það er ekkert skrýtið eða athugunarvert við að skuggar komi frá mismunandi áttum. Hvaða ljósmyndari sem er myndi segja þér að það er ýmislegt sem getur valdið því, jafnvel þegar einungis eitt ljós er til staðar.

Hinsvegar er ekki bara eitt ljós til staðar hjá tunglinu. Jörðin sjálf er sex sinnum stærri á tunglinu heldur en tunglið er hér á jörðinni. Á jörðinni nær tunglið reglulega að skína þó nokkuð sterku ljósi og hið sama gildir um jörðina á tunglinu. Í þokkabót endurkastar tunglgrjótið sjálft ljósinu frá bæði sólinni og jörðinni sem myndar sína eigin skugga í allt aðra átt en skuggarnir frá sólinni.

Eins og segir í fréttinni var tunglgrjót gefið um 100 löndum sem mörg hafa gert sínar eigin athuganir á tunglgrjótinu. Háskólar út um allan heim hafa gert viðamiklar rannsóknir á tunglgrjóti.

Þegar ferðin var farin 1969 var líka allur heimurinn að fylgjast með, þar á meðal erkióvinur Bandaríkjanna, Rússland, og þeir voru sannfærðir um að þeir væru að lenda á tunglinu vegna þess að þaðan komu útvarpssendingarnar af manni í geimbúningi að ganga á tunglinu. Þær útvarpssendingar komu ekki frá einhverjum kapli sem Bandaríkjastjórn setti upp í Rússlandi, heldur tóku þeir upp sendingarnar sjálfir með því að beina tækjum sínum að tunglinu.

Það eru margir sem vilja meina að tunglferðirnar hafi ekki verið farnar, en þeir eiga það allir sameiginlegt að hafa ekki raunverulega skoðað málið til hlítar. Sönnunargögnin eru yfirþyrmandi.

[Guðmundur Ásgeirsson, 30.8.2009 kl. 13:18]

Það væri vel hægt að koma fyrir spegli á yfirborði tunglsins með ómönnuðu geimfari. Tilvist slíks spegils er því engin sönnun þess að menn hafi stigið fæti þangað.

Hvort þetta var sviðsetning er svo annað mál, ég er ekki halda fram eindreginni skoðun á því en tel hinsvegar rétt að taka suma hluti með heilbrigðum fyrirvara. Kalda stríðið var öðru fremur ímyndar- og áróðursstríð, og tunglferðirnar hluti af því.

[Skúli Guðbjarnarson, 30.8.2009 kl. 16:34]

Þegar myndir eru sýndar af tunglbílnum í akstri sést að ryk undan dekkjum bíksins fellur hratt til tungls aftur. Það myndi svífa ef þar væri loft.

[Jóhannes H. Laxdal, 30.8.2009 kl. 17:21]

Bad Astronomy

Myth Busters

Jim Scotti

Michael Shermer

Wikipedia samantekt

Komið með eitthvað nýtt,  Þessar gömlu mýtur eru farnar að vera þreytandi.  Skuggar, ljóskastarar, krossar bætt við eftirá, sömu leikmyndir, hægt á myndinni, ryk sem flýgur ekki burtu (common .. það er þyngdarafl á tunglinu), skýr fótspor í sandinum, veifandi fánar....  það er búið að hrekja þetta oftar en ég get talið.

[Helgi Hrafn Gunnarsson (IP-tala skráð) 31.8.2009 kl. 15:17]

Guðmundur Ásgeirsson: Heilbrigður fyrirvari er eitt. Að hunsa þvílík yfirþyrmandi sönnunargögn eins og þau sem eru fyrir hendi, er annað.

Það er spegill á tunglinu sem hefur verið þar síðan 1969. Það eru sönnunargögn.

Rússar og aðrir fjandmenn Bandaríkjanna staðfestu að tungllendingin hafi átt sér stað með því að taka við sömu útvarpssendingum og Bandaríkjamenn tóku, með því að fylgjast með útvarpssendingum frá tunglinu. Það eru sönnunargögn.

Yfir 100 lönd hafa fengið sýni af tunglgrjótinu, og tunglgrjót hefur verið rannsakað núna í 40 ár. Það eru sönnunargögn.

[assa (IP-tala skráð) 1.9.2009 kl. 16:09]

Mig langar nú bara til að vekja upp þá spurningu af hverju bandaríkjamenn hafi ekki farið aftur til tunglsins? Úr því þeim tókst það 1969 þá ætti ekki að vera mikið mál fyrir þá að fara þessi árin. Umhugsunarvert......

[Jóhannes H. Laxdal, 1.9.2009 kl. 19:45]

Eitt orð.. eða setning : Gríðarlega hár kostnaður

Það má þakka kalda stríðinu fyrir fyrri tunglferðir þegar peningar voru engin fyrirstaða í hinni tæknilegu baráttu við Rússa.

og svo örugglega svona "been there, done that, it's just a rock" fílingur í ráðamönnum.